Председа вышной палаты чеського парламенту Мілош Вістырчіл навщівов Тайвану підпорив сепаратістічны силы. Повів то у выголошіню кітайскый посол в Чеській републіці Чанґ Тієн-мін, інформовав в понедільок вечур портал Novinky.cz. За словами кітайского посла іде о важне засягованя до сувереніты Кітаю і вызначно то порушує білатералны політічны обовязкы і основны нормы меджінародных односин. Выголошіня посла пришло по тім, што быв покликаный на чеське міністерство загранічных діл, жебы пояснити выгрожованя шефа кітайской діпломації. Тот повів, же передседа сенату заплатить высоку ціну за то, же навщівов Тайвану порушыв прінціп єдного Кітаю.

(Медвідь, TASR)