Строгы рештрікції на теріторії Чеськой републікы будуть платити і по 21-ім марці, а їх увольніня не прийде ани почас Великодня, повів у понедільок чеськый міністер здравотництва Ян Блатный. Інформовав о тім сервер Novinky.cz. За його словами ся наряджіня по 21-ім марці не будуть даяк різнити і на Великдень є треба сохранити обмеджіня руху. Чеська влада бы мала фіналну управу правил передложыти на міморяднім засіданю у четверь. Блатный подля чеського сервера дасть пропозіцію на продовжіня стану нужды в країні о найменше 14 далшых днів. Платность сучасного стану кінчіть 28-го марца.

(Медвідь, TASR)