Тісячкы проевропскых демоштрантів вышло вчера до улиць в многых німецькых містах, абы підпорили єднотну Европу і высловили незгоду з націоналізмом, інформувала о тім аґентура DPA. Протестуючі в Берліні і в Колині над Ріном в западній часті Німецька несли флаґы Европской унії і транспаренты з надписами, котрыма ся высловлювали за зєдночованя і солідарність Европы. В Берліні ся за інформаціями DPA очікувало аж 50.000 участників. Демонштрації ся одбыли пару днів перед зачатком волеб до Европского парламенту, котры ся в членьскых країнах одбудуть в 23.-26. мая.(ТАСР, Пкф)