Україньскый презідент Петро Порошенко крітізує польску новелу закона о Уставі народной памяти. Не любить ся му, же леґіслатіва заводить трест за підпору україньской націоналістічной ідеолоґії, тзв. бандеровской ідеолоґії. Як інформовала аґентура UNIAN, юодля Порошенка тота новела не одповідать декларованым засадам стратеґічного партнерства міджі Польщов і Українов. „Єм глубоко знепокоєный розгоднутём польского парламенту. Історічна правда собі выжадує скорше отворену бісїду і діалоґ, як заказы“, увів Порошенко. Новелу одобрила у четверь горна комора парламенту. Леґіслатіва окрем іншого заводить трест до трёх років базы і за вжытя словного споїня „польскы концентрачны таборы‟ і шырїня іншых фактів о участи Поляків на голокавстї. Інформація была перевзята зо справодайского порталу Teraz.sk
(Зденка Цітрякова)