Америцькый міністер загранічных дїл Майк Помпео обвинив Іран з четверёвых утоків на два танкеры в Оманскім заливі, причім тот інцідент означів за сучасть шыршой кампани Ірану і ёго ,,заступцїв” проти Споєным штатом і їх споєнцём, інформовала о тім аґентура DPA. ,,Як цїлок тоты невыпровокованы утокы представлюють ясну грозьбу про меджінародный мір і безпечность. Є то очівісный уток на слободу плавбы і неприятельна кампань Ірану на ескалацію напятя, “ увів Помпео і одсудив, же терчом были ,,невинны цівілісты”. ,,Іран бы мав вжывати діпломацію, не терор, переливаня кровли і вымаганя. Споєны штаты будуть боронити свої силы, інтересы і стояти за своїма партнерами, жебы охоронили ґлобалный обход і реґіоналну стабіліту,” додав шеф америцькой діпломації.

(TASR, Шутіова)