Політичны ґрупы в Европскім парламенті (ЕП), котры суть офіціалні зареґістрованы, продовжують по евровольбах в дотворюваню своїх штруктур і вольбі председів. По Европскій людовій партії (EPP) своїх лідрів потвердили і соціалісты а демократы (S&D), лібералы і Зелены. Фракція S&D наприклад потвердила, же дотеперішня лідерка Іратхе Ґарціова была вчера єдноголосно зновузволена за председничку ґрупы. Шефовати буде ґругій найвекшій ґрупі в ЕП зо 136 креслами. Днесь буде споминана фракція голосувати о підпредседох ґрупы, де о девять  міст забуює 11 посланців. Небуде меджі нима нихто із Словакії, кідже партії Smer-SD і Hlas-SD, котры мають вєдно шість посланців, мають зморозене членство в ґрупі. (TASR, Pkf)