До уліць в неділю вышли і тісячі Поляків. У Варшаві і многых далшых містах выразили, же суть несогласны із пропозіціями реформы юстіції, котры минулый тыждень одпрезентовав презідент Анджей Дуда. Інформовала о тім аґентура Associated Press. Протесты, котры проходили перед будинками судів, зорґанізовав Комітет на оборону демокрації, котрый выступать проти політікы сучасной конзерватівной польской влады. Участны выразили пересвідчіня, же презідентовы пропозіції не зліпшыли в основі попередні пропозіції на реформу юстіції авторства владной партії Право і справеливость. Презідент сам попередні пропозіції ветовав.
(Петро Медвідь)