Польска погранічна страж затримала в середу рекордну кількость высше 100 міґрантів, котры ся намагали достати до Нїмецька через Польщу тзв. балканьсков трасов а пришли зо Словакії, інформовала о тім страж у четверь. TASR перевзяла справу з польской тисковой аґентуры PAP. ,,Лем за єден день сьме затримали высше 100 чуджінцїв, котры перекрочіли польско-словацьку граніцю,” увела про PAP говоркыня польской погранічной стражі Анна Михальска. Додала, же кількость чуджінцїв, котры ся намагають нелеґално достати до Нїмецька через Польщу трасов, котра веде через балканьскы країны, ся в остатнім часї выразно підвышыла. Подля інформацій польской погранічной стражі од зачатку того рока на граніцях Польщі зо Словакіёв і Чехіёв затримали через 600 людей – в порівнаню зо 122 особами в тім самім періодї минулого рока.

(TASR, Шутіова)