Польске міністерство обороны в понедільок підписало оффсетовы контракты з америцькыма комапнімями Boeing і General Electric в цілковій сумі майже 237 міліонів доларів. Приближыли ся тым ку фіналізації контракту о накупліню 96 гелікоптер AH-64E Apache за 12 міліард доларів. Оффсетовы контракты суть встановлены на компензацію країны, котра накупує зброю із заграніча, і то посередництвом співпраці меджі загранічныма додавателями і домашніма компаніями. Тоты на себе частково возьмуть роботы скапчаны з выробов або утримованьом купленых продуктів. Контракт із комапанійов Boeing в сумі 102 міліонів доларів буде односити ся на утримованя гелікоптер. Контракт із General Electric в сумі 135 міліонів доларів буде односити ся на выробу моторовых компонентів про гелікоптеры Apache.

(Медвідь, TASR)