Польща спустить до ходу першый блок своёй першой ядровой електрарни в роцї 2036, ознамив в середу владный уповномоченый про стратеґічну енерґетічну інфраштруктуру Войціех Врохна. Приготовлёвана актуалізація польского ядрового проґраму подля Врохну предпокладать спущіня далшых двох блоків в рокaх 2037 а 2038. Електрарня ся буде находити в области Лубіатово-Копаліно в Помораньскім войводстві на северї Польщі. Подля Врохну Польща очекує, же Европска комісія зачне до конця того рока їднаня, в котрім перескумать пропонованый модел штатной помочі про ядрову електрарню. Наслїдно бы могла Польща зачати глядати додавателїв на єй выставбу.

(TASR, Шутіова)