Польска влада планує подля міністра здравотницьтва Адама Ніедзіелскего завести контролі на границях з Чехійов і Словакійов. Беручі до увагы епідеміолоґічну сітуацію в обідвох країнах хоче Польща обмеджити транспорт на своїй южній границі, повів то Ніедзіелскі днесь про розгласову станіцю Tok FM. Дане опатріня буде правдеподобні в платности од суботы. Дальшы  подрібнішы інформації бы мала польска влада подати на пресконференції в часі днешнього дня, пише аґентура DPA. Міністер  в днешнім выступліню ознамив тыж, же в Польщі за послідніх 24 годин зазначіли 12.146 новых припадів інфікації новым коронавірусом, што є  о скоро 3500 веце як то было перед тыждньом і найвеце од 6-го януаря. (TASR, Pkf)