Польща невидить скоро ниякый простор на сповніня амбіціознішых обовязків на пониженя емісій оксіду углічітого  (CO2) в рамках Европской унії (ЕУ). Выголосила то Урзула Зіеленска, секретарьска польского міністра про кліму і жывотне оточіня. Інформує о тім аґентура PAP. Европска комісія вчера рекомандувала, абы ЕУ до року 2040 понижыла чісты емісії скленіковых плінів о 90 % порівняно з данима з року 1990. Завдякы тому бы ся мала Унія подля представ Комісії стати до року 2050 кліматічні неутралнов. Абы ся став ціль обовязковым, мусять го одобрити  членьскы штаты ЕУ і Европскый парламент. (TASR, Pkf)