Европска унія зачала процес корочіня плачіня з фондів Польщі аж о міліоны евр, абы так покрыла покуты даны Варшаві за іґноруваня судного приказу заперти гнедоугольну баню Туров. Вчера то ознамив говорця Европской комісії, на котрого ся одкликала пресова аґентура AP. Судный двор в минулім року приказав, же Польща мусить заперти гнедоугольну баню Туров при границі з Чеськов републиков. У своїм вердікті вырішыв в благо чеськой влады, котра ся стяжовала, же баня з поверьховым тяжіньом неґатівні впливать на жывотне оточіня – чеськым селам в пограничі одчерьпавать підземну воду і так само є причінов великого глуку і порошного воздуху. Польща дане дочасне опатріня суду іґнорує. Суд прото приказав Польщі платити денно пенале у вышці 500.000 евр, протоже фурт продовжує в тяжіню в даній бані. (TASR, Pkf)