Польска владна партія Право і справедливость передложыла пропозіцію закона, котрый вызначно обмеджіть можливости на рітуалну поражку звірят. Пропозіційoв іщі тот тыждень має занимати ся влада і нижня комора парламенту. Інформовав о тім ізраільскый портал Ynetnews. Пропозіція окрім іншого запроваджать і обмеджіня на експорт кошер мяса з Польщі, што неґатівно проявить ся в жыдівскых комунітах в Европі, но і в Ізраілю, де часть мяса Польща додавать. Переступліня закона бы ся мало карати арештом до штирьох років.