Польща зробила на Суднім дворі Европской унії юрідічны крокы з цільом досягнути зрушіня трьох наряджінь Европской унії в области клімату. Варшава твердить, же бы запричінили сполоченьску нерівность. Польска влада звернула ся до Судного двора іщі в юлі. Єдным з наряджінь є закон, на основі котрого буде од 2035-го року в Унії забороненый продай автомобілів, котры выпущають емісії CO2. Далше наряджіня односить ся на цілі на знижіня емісій в членьскых країнах ЕУ, што подля Варшавы огрожує енерґетічну безпечность Польщі. Третій закон о реформі рынку з емісіями зясь може знижыти кількость робочіх місць в области здобываня угля. Польща приблизно 70 процент свойой енерґії выраблять з угля, припоминать аґентура Reuters.

(Медвідь, TASR)