Українцам, котры мають протипольскы погляды обмедзять польскы уряды вступ до країны. З одкликованём ся на польского міністра заграніча Вітолда Ващіковского о тім вчера інформовала аґентура Ройтерс. Міністер додав, же Поляци не дадуть віза Українцам з протипольскыма поглядами, або тым, котры знеможнять утримовати завхаблены польскы сімболы на Українї. Резорт польской діпломації так подля свого шефа реаґує на неуважіня яке мож відїти на польскім цинтарї в містї Львів на западї Україны, котре было іщі перед другов світовов войнов частёв Польщі. Склуптуры левів, поміщены коло входа на цинтарь, якы несуть щіты з польскыма написами были подля міністра закрыты ладічками. В Польщі жыє приближно єден а пів аж два міліоны Українцїв, котры одышли з Україны до Польщі глядати роботу по повстаню на києвскім Майданї в роцї 2014.
(Зденка Цітрякова)