Долна комора польского парламенту (Сейм) вчера одобрила резолуцію, котров Росію выголосила за країну підпоруючу терорізмус. Пресаґентура TASR справу перевзяла з аґентуры PAP. Сейм о даній резолюції неуспішно голосував уж перед двома тыжднями. Опозичны партії втогды протестували, же партія Право і справодливость (PiS) в послідній хвілі придала додаток, котрый небыв частьов оріґіналной пропозиції. Пропозицію дали опозичны партії. Партії  PiS ся шак вчера подарило просадити додаток, котрый обвинює Росію з гаварії летадла, котре  10-го апріля 2010-го року впало при невыдареній пробі о пристатя в російскім Смоленску. О жывот пришло 96 особ вєдно втодійшнього польского презідента Леха Качіньского.  (TASR, Pkf)