Польскый премєр Доналд Туск у четверь зась скрітізовав мадярьского председу влады Віктора Орбана за утримованя приятельскых одношінь з Росіёв і за удїлїня азілу польскому політікові, на котрого быв выданый затыкач. TASR о тім інформує подля аґентуры PAP. В приспівку опублікованім у четверь рано на соціалній сїтї X ся Туск выразив ку недавным атаком Росії на україньску енерґетічну інфраштруктуру. ,, В ночі на Рождество Росія зробила масівный ракетовый атак на україньскы міста. В тім часї премєр Орбан у рождественнім розговорї означів Путїна за честного партнера Мадярїв,“ уточнив Туск.

 (TASR, Шутіова)