Польскый презідент Анджей Дуда вчера вырішыв ветовати два контраверзны законы о найвысшім суді і судній раді, котры наперек крітікы опозіції і Европской комісії прияла владна партія Право і справодливость. Презідент о тім інформовав телевізію, коротко перед стрічов з председкыньов найвысшого суду. Проти новым законам демонштровали в послідніх днях тісячі людей. У звязку з реформов юстіції презідента навщівила премєрка Беата Шідлова. Презідентів говорця в телевізії інформовав, же Дуда своє рішіня не змінив. Презідент Дуда обіцяв, же в близкім часі представить властну пропозіцію реформы юстіції, жебы была в згоді із штатутом. Премєрка выголосила, же польска влада не підлягне тиску уліці і загранічу і надале буде пересаджовати реформы юстіції.
(Анна Кузмякова)