Польска влада рихтує пропозіцію закона, котрый бы мав обмеджіти выплачаня придавку на дітину названого 800 Plus чуджінцям, і дотулить ся то головно Українців. Міністерство внутрішніх справ під веджіньом Томаша Шємоняка докінчує пропозіцію, котра бы мала быти передложена на меджірезортне припомінкованя уж в апрілю, значіть іщі перед презідентьскыма вольбами. Інформовав о тім портал Fakt. Подля порталу має пропозіція запровадити условія, же на братя придавку будуть мати право лем тоты чуджінці, котрых родічі жыють, роблять і платять дани в Польщі. Теперь єдиным условієм є леґалне перебываня дітины і його родічів на теріторії Польщі.

(Медвідь, TASR)