Їднаня з америцькым презідентом Доналдом Трампом были успішны і хосенны, повів вчера у Гелсінках на сполочній пресовій конференції російскый презідент Владиімр Путін. Шеф Кремля выразив ся і ку засягованю до презідентьскых выборів у 2016-ім році. Трамп на бріфінґу акцентовав, же Споєны штаты Амрикы і Росія мусять найти способы, як співпрацовати з цільом слідовати сполочны інтересы. Подля Трампа є продуктівный діалоґ меджі Споєныма штатами і Російов добрый про обидві державы і про цілый світ. Трамп підкреслив, же має велику довіру ку америцькым службам безпекы, подля котрых засяговало ся до выборів, но Путін є подля нього невіроятно пересвідчівый у своїм тверджіню, же Росія з тым нич довєдна не має. Председа Сеймовні репрезентантів Пол Раєн по саміті выголосив, же не є похыбностей о засягованю Росії до выборів, а і надалше ся Кремель намагать підкоповати демокрацію в Споєных штатах і на цілім світі.
(Медвідь, TASR)

Фото: TASR/AP