Мадярьскый премєр Віктор Орбан в понедільок приговорив ся в мадярьскім парламенті в рамках зачатку ярьного засіданя. Як інформує аґентура TASR, премєр бісідовав о тім, же Европа ся поступно діставать до войны, кедьже країны посылають на Україну танкы а бісідує ся уж і о літаках. Покля то буде продовжовати, за думками Орбана ся найдуть такы, котры бы там послали і вояків. Мадярьскый премєр підкреслив, же война тырвать уж рік, і подля нього єй нихто не выграть. Война на Україні є плана подля Орбана про Українців, Европу і цілый світ. Знова вызвав на переміря і мірны переговоры. Так само высловив підпору ініціатіві владного блоку Fidesz-KDNP, жебы парламент прияв узнесіня, же Мадярьско є прихыльником міру.

(Медвідь, TASR)