Бывшый презідент Югослованской звезовой републикы (JZR) Слободан Мілошевіч ся став в  історії першов главов штату, котру судив меджінародный трібунал про обвініня з войновых злочінів. В юні 2001-ім року быв выданый Меджінародному трестному трібуналу про бывалу Югославію (ICTY) в голандскім Гааґу. По пятьох рокох в арешті, тісно перед кінцьом процесу, умер Мілошевіч 11-го марця 2006-го року на інфакт. Од выданя Слободана Мілошевіча – єдной з ключовой особы кырвавых конфліктів на Балкані в 90-ых рокох 20-го столітя – меджінародному трібуналу в Гааґу минуло днесь, 28-го юна, 20 років. (TASR, Pkf)