В минувшім році втекло перед насилством і конфліктами приблизно 46 міліонів людей, з чого 19 міліонів были діти, но зістали у властній країні. Далшы міліоны людей были примушены опустити свої обыстя з причіны катастроф. Інформовала о тім у віторок аґентура Associated Press з одкликаньом ся на Дітячій фонд Орґанізації зъєдиненых народів – UNICEF. В дослідку конфліктів і наслиства дішло ку нароснутю внутрішньо выселеных особ з 25 міліонів перед 10-ма роками на веце як 40 міліонів за остатніх пять років. Понад 40 процент выселеных особ было в минувшім році молодшых як 18 років. Сітуацію згіршыла в тім році і пандемія коронавірусу. Діти суть в крізовых сітуаціях, яков є і пандемія, найвеце зранительны, кедьже міліоны выселеных дітей на цілім світі суть без рядной старостливости о охороны, повіла Генріетта Фореова, директорка UNICEF.

(Медвідь, TASR)