Близькый порадця російского презідента Владіміра Путіна і бывшый секретарь Рады безпечности Російской федерації Ніколай Патрушев вчера выголосив, же Україна і Молдавія бы в будучности могли цалком прийти о свою незалежность. Увів то в дебаті про булварный денник Комсомольская Правда. Інформує о тім аґентура  DPA. ‟Мож припустити, же Україна тот рік перестане існувати,‟ выголосив Патрушев. На своє тверджіня шак недав ниякы доказы і высвітлив їх тым, же Україна к ліквідації доведе ‟русофобія і неонацістічна ідеолоґія‟. Москва  ся такыма обвінінями реґулярно снажыть  выправдати свою інвазію на Україну. (TASR, Pkf)