Скоро 10.000 людей брало участь в неділю на общій омші, котру одслужыв папа Франтішек в Рабаті наконець свойой двойдньовой навщівы Марока. Векшыну участників богослужбы, котра ся одбыла в шпортовій арені, творили чужинці походжаючі зо скоро 60 країн світа, увели пресаґентуры DPA a AP з одкликаням ся за інформаціями орґанізаторів. Найвысшый представитель католицькой церьквы высловив перед прытомныма желаня, абы нихто немусів жыти в недостойных условіях або в розлучіню. Рішіня конфліктів, котры ся вытворюють з інакшости меджі людьми, за його словами неможуть быти у вымагані єдности ани в „тихім„ вытиснуті окрайовых ґруп. Папа прийшов до Марока на позваня тамтешнього краля Мугамада VI. Головным цільом навщівы было підпорити діалоґ меджі реліґіями і зліпшыти односины католицькой церькві з іншыма віросповіданями.(TASR, Pkf)