Саміт Североатлантічной аліанції, котрый одбуде ся в літі, буде подля чеського презідента Петра Павла переломом в забезпечованю безпекы країн НАТО до будучности. Европа бы подля нього мала быти пририхтована на сценарь, в котрім на свою оборону зістане сама. Повів то в понедільок по міморядній стрічі верьховных конштітучных представителів на Пражскім граді. За важне означів, жебы в основных безпечностных вопросах нашла згоду чеська влада і опозіція. Сполочнов позіційов верьховных конштітучных чіновників Чеськой републікы подля його слов є, же бы хотіли і далше утримовати тісне союзництво із Споєныма штатами. Но так само за словами презідента треба быти приготовленый на то, же в тім зістанене самы як Европа, припадно як часть Европы.

(Медвідь, TASR)