Туристы з 112 країн навщівили в 2018 року закрыту зону Чернобільской ядровой електрарні. На соціалній сіті Фацебуку інформував о тім україньскый міністер еколоґії і притомных джерел Остап Семерак. За інформаціями аґентуры Укрінформ, Семерак у своїм статусі написав, же „назераня сполочности на дану територію ся за послідні три рокы значно змінило, чого доказом суть головно чісла туристів, котры зону каждый день навщівлять.“ Як далі інформував, за послідніх десять місяців 2018 року досягло їх чіло 52.452, з того чісла аж 35.335 представували чужинці зо 112 країн.
(TASR)