Рїшіня о будучности америцькых вояків в Европі зробить выключно презідент США Доналд Трамп, увів в середу америцькый міністер обраны Пете Геґсет. Реаґовав на вопрос, ці їх кількость зохабить на сучасній уровни. Інформовала о тім аґентура Reuters, пише TASR. ,, Єдинов особов, котра зробить рїшіня о штруктурі єдноток США в Европі, буде презідент Трамп, головный велитель,“ повів Геґсет новинарім протягом навщівы Панамы. ,,Будеме продовжовати в діскусіах, і в контекстї україньско-російскых роковань, о тім, яке бы мало быти розмістнїня нашых сил на тім контіненті, жебы найлїпше одповідало америцькым інтересам а заістило роздїлїня бремена і в Европі,“ доповнив шеф Пентаґону.

(TASR, Шутіова)