Землетрасіня з маґнітудов 5,4 постигло в ночі на понеділок выходоґрецькый остров Ргодос. Рано по нім наслідувало дальше землетрасіня з маґнітудов 4,6. Покы небыли голосены ниякы зраніня ани шкоды, увела пресова аґентура AP. Атеньскый ґеодінаміцькый інштітут ознамив, же перше землетрасіня одбыло ся в неділю вечур перед 21.00 годинов і епіцентрум ся находило 30 кілометрів северні од Ргодосу. Друге землетрасіня было рано, коротко по 7.00 годині з епіцентром 26 кілометрів  северні од острова. Ґрецько ся находить в сеізміцкі высоко актівній області світа і землетрасіня суть там часты. (TASR, Pkf)