Іншпекторы Орґанізції про заказ хемічных збраней слїдують можности ексгумації тїл жертв удайного хемічного утоку в сірьскім містї Дума. Інформовав о тім вчера денник Financial Times, котрый зверейнив бісїду з ґенералным директором орґанізації Агметом Узумцуом. „Перевіруєме способы, як ексгумовати уже похованы тїла, ці то є можне, жебы сьме могли здобыти дакотры біомедіціньскы взоркы,‟ повів Узумцу. Справу отім, же 7. апріля были в сірьскім містї Дума поужыты хемічны збранї, росшырёвали многы медії і мімовладны орґанізації враховано захранарів з тзв. Білых прілб. Заступцёве русского Центра про змірніня боюючіх боків в Сірії зробили 9. апріля сондаж в містї Дума, де але не нашли слїды по выхоснованю хемішных збраней. О день пізнїше ся Орґанізація про заказ хемічных збраней розгодла выслати до Сірії своїх іншпекторів, жебы перевіріли справы о можнім хемічнім утоку. Але до міста Дума ся дістали аж 21. апріля, што выкликало обавы, же будяка хемічна латка ся за тот час могла змінити, або са могло доказами на містї маніпуловати.
(TASR)