Председа мадярьской влады Віктор Орбан піде до Києва, кедь то буде мати смысел. До Москвы ся премєр не рихтує. Выходить то з понедільковой пресконференції шефа Уряду влады Ґерґея Ґуляша, інформує аґентура TASR. Робочі драгы председы влады ся подля Ґуляша все орґанізують в дусі того, ці є в даній сітуації якась перспектіва проґресу, а тото саме зробить Орбан і в припаді Україны. Шеф Уряду влады Ґуляш далше повів, же того часу не існує ани жадна аґенда, про котру бы Орбан ішов до Москвы. Україньскый презідент Володимір Зеленьскый позвав Віктора Орбана до Києва іщі почас фебруаровой стрічі в Бруселі. Сервер index.hu припоминать, же подля Києва Орбан позваня прияв.

(Медвідь, TASR)