Мадярьскый премєр Віктор Орбан прияв у понедільок французького презідента Еммануела Макрона. Шеф Елізейского палаца признав даякы довгодобы „політічны незогды“ з Орбаном, но додав, же обидвоми суть приготовлены „співпрацовати на благо Европы“. Назначів і даяке змірніня позіцій у вопросах міґрачной крізы. Орбан підкреслив, же з Макроном суть згодны в трьох справах. Подля мадярьского председы влады обидвоми люблять свою отцюнину, роблять на тім, жебы Европа была міцніша і суть заєдно в тім, же Европа потребує стратеґічну автономію. Під тым терміном Орбан розуміє міцный збройный промысел, атомову енерґетіку і потравинове самовыстарчіня, пояснює аґентура DPA.

(Медвідь, TASR)