Робоча стріча з презідентом Споєных штатів Доналдом Трампом в понедільок у Вашінґтоні была про Мадярьско важнов, бо были посилнены стратеґічны союзницькы односины спаяючі США і Мадярьско. Выголосив то по стрічі председа мадярьской влады Віктор Орбан про мадярьскы державны медії. Подля аґентуры MTI премєр підкреслив, же односины были посилнены в области господарьскій, загранічній і области безпечностной політікы, але і у вопросах міґрації і пронаслідованя хрістіанів. На стрічі, котра тырвала намісто пів годины понад 40 минут, брав участь шеф мадярьской діпломації Петер Шіярто і радник америцького презідента про народну безпеку Джон Болтон.

(Медвідь, TASR)