Мадярьскый премєр Віктор Орбан на соціалній сіті Facebook в понедільок высловив подяку одходячому презідентови Яношови Адерови за десять років у функції. Адера Народне згромаджіня выбрало за презідента в роках 2012 і 2017. Одходячій презідент, котрому вчера закінчів ся мандат, в розговорі про денник Мagyar Nemzet при тій нагоді повів, же в припаді 37 законів схосновав право вета і у вісем припадах звернув ся до конштітучного суду. Подля Адера не мож іґноровати то, же то было в часах влад блоку партій Fidesz-KDNP, котрый го до той функції номіновав. Преіздентков Мадярьска в слідуючім пятьрічнім періоді буде номінантка того самого блоку Каталін Новакова, о чім вырішыли мадярьскы депутаты 10-го марца.

(Медвідь, ТASR)