Прихыльници іміґрації в Европі хотять взяти Мадярьску право хоронити свої граніці, выголосив у понедільок мадярьскый премєр Віктор Орбан в традічнім приговорі одкрытя осіннього засіданя парламенту. Презідент знова повторив, же справа о стані демокрації в Мадярьску, котру схвалив Европскый парламент минулу середу, є каров за то, же Мадярьско ся боронить іміґрації. Председа Демократічной коаліції Ференц Дюрчань припомянув, же документ о стані демокрації в Мадярьску є крітіков діялности влады, а не Мадярьска і його гражданів. Дюрчань крітіковав владу Орбана окрім іншого за підпору антісемітьскых особностей мадярьской історії і повів, же партія Fidesz творить дікатуру. Орбана крітіковав і председа мадярьскых соціалістів Берталан Тот.
(TASR, Медвідь)