Кiтай є ключовым при вытворіню условій про мір в російскій войні на Україні, написав днесь на соціалній сіті Х мадярьскый премєрь Віктор Орбан по приході до Пекінґу. Інформували о тім пресаґентуры AP і Reuters. Мадярьско барз оцінює мірову ініціятіву Кiтая у звязку з конфліктом на Україні, повів Орбан подля мадярьской пресаґентуры MTI. Окрім Росії і Україны конець войны ‟залежыть од вердікту трьох світовых держав – Сполученых штатів, Европской унії і Кiтая,‟ додав. Орбан пришов до Кiтая на допереду неоголошену навщіву. Стрітнув ся з тамтешнім презідентом Сі Тін-пхінґом. Мадярьскый премєрь означів дану навщіву за ‟мірову місію 3.0‟ по неочікуваных навщівах Україны і Росії, котры абсолвував минулый тыждень. (TASR, Pkf)