Створіня протикорупчной платформы, на котрій буде мож анонімно оголошати карны чіны, авізовав у понедільок евродепутат і председа мадярьской мімопарламентной партії TISZA Петер Мадяр, котрый належыть меджі крітіків премєра Віктора Орбана. Мадяр далше авізовав правны крокы в єдній із найважнішых мадярьскых корупчных кавз, в котрій є меджі двома головныма обвиненыма і бывшый державный секретарь міністерства справедливости і депутат парламенту за владну партію Fidesz Пал Велнер. Подля Мадяра прокуратура в процесі схосновала дакілько „тріків“, кедь в юні одшмарила Мадярово обвиніня односно співпрацовників владного кабінету із засягованя до розсліджаня корупції з арґументаційов, же не нашла доказы.

(Медвідь, TASR)