Мадярьского премєра Віктора Орбана запросили до тексаского Далласу, де бы мав 4-го авґуста выступити з одкрываючім проявом на шторічній Конференції конзерватівной політічной акції (CPAC). Про аґентуру MTI то в понедільок повів Орбанів говорця Берталан Гаваші, подля котрого є тота конференція найвекшов і найвпливнішов конзерватівнов подійой на світі. Правіцьову політічну конференцію CPAC шторічно од 1974-го року орґанізує Америцька конзерватівна унія. В майже півстолітній історії із конференції стала подія, котра мобілізує десяткы тісяч конзерватівців, пише в повязаню з інформаційов сервер privatbankar.hu.

(Медвідь, TASR)