Пріматорка Паріжа Анна Гідалґова хоче, жебы авта на дізлове паливо перестали в Паріжу ходити до року 2024, коли ся ту одбудуть лїтнї олімпійскы гры. Радніця буде в будучности класти векшый двораз на електромобілы, біціґлї і громадну доправу в містї і метрополітній области, де ся уже зачала выставба новой сітї примістьскых влаків. Французьскый уряд верейного здравотніцьтва інформовав, же дослїдкы знечіщіня воздуху суть третёв найчастїшов прічінов передчасных смертей у Франції. Аґентура АП додала, же в намаганю знижыти знечіщіня водзху в Паріжі, Гідалґова нарядила серію опатрїнь, міджі котрыма є напр. вылучіня авт зо славного паріжского булвару раз до місяця, ці можность пронаяти собі біціґель або електромобіл і дати так Паріжанам алтернатіву к їх автам.
(Зденка Цітрякова)