Бывшый председа мадярьского Конштітучного суду Тамаш Шуйок днесь офіціално став новым презідентом републікы. З одкликаньом ся на сервер infostart.hu о тім інформує аґентура TASR. Сервер припоминать, же Каталін Новакова зрекла ся посады презіденткы Мадярьска 10-го фебруара по їй рішіню о уділіню милости про мужа одсудженого за крытя припаду сексуалного знеужываня в дітьскім домові. Парламент демісію прияв 26-го фебруара, і в тот самый день зволили нового презідента. Владны партії Fidesz і KDNP номіновали Шуйока і владна векшына 134-ох посланців го зволила за голову державы уж в першім колі.

(Медвідь, TASR)