Індія і Россія зорґанізують по першый раз сполочне воєнске тренованя своїх поземных, наморных і літецкых части. Інформувала о тім днес аґентура ДПА. Обі державы орґанізують каждорочні сполочны наморны тренованя, але маневры вшыткых воєнскых часті ся одбудуть по першый раз. Воєнске тренованя Індра-2017, назване по гіндуістічнім богу грому і доджа, ся буде одбывати од завтра до 29.октобра на теріторії воєнской области на Выході Руска. Выголосило то індіцке міністерство обраны без точнішой локації тренованя. Назва тренованя є сучасно і скратков обох держав. Тоты маневры “дають можность озброєным силам обох держав тренувати в меджінародных протитерорістічных операціях заміряных на вшыткы три воєнскы части“. Увів то шеф інтеґрованого штабу озброєных части Індіе Сатіш Дуа.
(Петро Кімак-фейко)