Одношіння Палестинской самосправы с Ізраельом зостануть перерваты доты, покы ся сітуація на Храмовій горі в Єрузалемі неверне до стану з перед двох тыжднів. На вынятковім засіданю свойого політічного і беспечностного кабінету в Рамаллагу то увів палестинскый презідент Магмуд Аббас. Палестинскый лідер сучасно додав, же Ізраел бы мав одволати вшыткы безпечностны опатріня, увела то аґентура ДПА. Ізраелскый беспечностный кабінет хоць в ночі наднесь вырішыв одстранити рамовы детекторы металу із вступів на Храмову гору в Єрузалемі, але замінять їх іншыма средствамі контролі.
(Петро Кімак-Фейко)