Україньскы беспечностны орґаны одгалили подля властных слов ґрупу російскых аґентів. Єден з аґентів быв докінця в ґенералнім штабі Озброєных сил Україны, увів в ночі на днесь порадця україньского презідента Олексій Арестович. Інформації принесла аґентура DPA. О конкретнім чіслі членів шпіонажной ґрупы ся Арестович незмінив. Спомянув шак єден з їх, як повідають, цілів, написала DPA з одкликаням ся на аґентуру Ункрімформ. Як дале конкретізував порадця, же ‟тоты товариші мали зострілити доправне летадло над Російов або Білорусійов. Потім бы одповідність приписали Україні‟. Додав тыж, же спомянуту оперцію мали зреалізувати за помочі протілетадловых ракет, котры пробували здобыти з україньского арзеналу. (TASR, Pkf)