По скінченю 50-мінутового їднаня в демілітарізованій зоні – в тзв. „Будинку незалежности“ в селі  Пханмунджон на югокорейскому боці – одпревадив америцькый презідент Доналд Трамп северокорейского лідра Кім Чонґ-уна к бетоновій лінії, означуючой границі меджі обідвома Кореами. „Мали сьме з председом Кімом барз добру стрічу. Тото є барз славный, історічный день,“ повів Трамп. На пресконференції по їднанях за запертыма дверямі з Кімом шеф Білого дому новинарям повів, же Сполучены штаты і Северна Корея призначіли тімы, котрых задачов буде обновити в часі пару тыжднів ядровы їднаня меджі обідвома країнами. Трам увів, же вірить, же Северна Кореа і  США докажуть прийти ку комплехному договору, але підчеркнув, же скорість в тім припаді неє то найважніше. Трамп окрім іншого позвав Кіма до Білого дому.

(TASR, Пкф)