Посланці Долной снімовні британьского парламенту одобрили вчера владну пропозицію жадости о одклад выступліня країны з Европской унії (EÚ) до 30. юна. Інформувала о тім справодайска телевізіа Sky News. За пропозицію голосувало 420 посланців, против было 110. Председа Европськой рады Доналд Туск скликав на днесь вынятковый саміт ЕУ на котрім участниці зважують жадость Британії о одклад брехіту, або продіскутують на послідню мінуту приправы на брехіт без догоды. Дальшый одклад собі жадать згоду представителів вшыткых 27 звышніх членьскых країн EÚ. „Европська рада є згодна з одкладом, котрый буде потрібный на одобріня догоды о одході Британії з  EÚ,“ пише ся в пропозиції резолюції саміту EÚ. Европська рада тыж підкреслює, же одклад може огрозити фунґованя інштитуцій в EÚ. Як буде Споєне кральовство членом EÚ  23.- 26 мая і договор о брехіті неодобрить до 22. мая 2019, буде мусіти у звязку з правом EÚ брати участь у вольбах до Европського парламенту. В другім припаді буде Британія повинна Унію зохабити 1. юна 2019. (ТАСР, Пкф)