Одборовый союз німецькых водителів локомотівы (GDL) вызвав робітників штатной желізничной орґанізації Deutsche Bahn (DB), абы знова зачалі з парудньовым штрайком. Путуючіх до роботы так од середы до понеділька чекають дальшы тяжкы дні з очікованым зрушіньом тісячок споїв. Інформує о тім аґентура DPA. Конфлікт о заробіткы і довжку робочого часу меджі DB і одборарами тырвать од зачатку минулого новембра. Дебаты увязнули по другім колі іщі 24-го новембра. Deutsche Bahn дала нову понуку минулу пятницю, якбач шак нестачіла на то, абы GDL привела знова к їднаню. Новый штрайк буде четвертым в часі актуалного конфлікту. (TASR, Pkf)