Кріза у Венезуелі огрожує безпеку цілой западной півкулі, выголосив віцепрезідент Споєных штатів Америкы Майк Пінс. Подля нёго Споєны штаты не будуть позерати, як ся з Венезуелы ставать діктатура і выужыють вшыткы діпломатічны і економічны формы, жебы в країні была обновлена демокрація. По Трамповій грозьбі презідент Венезуелы Мадуро нарядив воєньскы маневры про десятьтісячі вояків і цівілістів. Реаґовав тым на слова Доналда Трампа, котрый в пятніцю не вылучів воєньске рішіня політічной крізы Венезуелы. Цвічіня буде проходити 26-го і 27-го авґуста.
(Анна Кузмякова)