Обровску контайнерову шыфу Ever Given з вытлаком 224.000 тон, котра од вівторка, 23-го марця, блоковала Суезьскый канал, ся днесь рано подарило достати до ставу плаваня. Інформувала   о тім пресаґентура TASR з тым, же того часу ся реалізують роботы на єй забезпечіня. Шыфа довга скоро 400 метрів і шырока 60 метрів была од вівторка крижом загатана і блоковала транспорт в обох напрямох на єдній з найрушнішых наморных трас на світі. На єй выслободжіня чекали десяткы шыф на обідвох кінцях каналу і тых, котры уж увязнули в сістемі каналів. (TASR, Pkf)