Нїмецько ся планує при навчаню алфавіту на школах дочасно вернути ку таблічкам, якы ся вжывали перед другов світовов войнов, а теда передтым, як з них націсты одстранили вшыткы жыдівскы мена. Інформовала о тім у четверь аґентура AFP з одкликанём ся на містны медія. Тота стара верзія таблічок, котры дїтём злегшують запамятати сі алфавіт і научіти ся гласковати помочов мен зачінаючіх ся на єднотливы буквы, ся зачне зась вжывати од осени 2021, інформовала медіялна ґрупа Funke. Націсты одстранили в роцї 1934 з учебных таблічок вшыткы жыдівскы мена – з ,,Д” як Давід ся стало ,,Д” як Дора а ,,Н” як Натган ся змінило на Северный пол (в нємчінї Нордпол). Хоць перешли таблічкы в роцї 1950 даякыма змінами, векшына первістных мен до них зась заведжена не была.

(TASR, Шутіова)